Ghazal

Shor Dil ka Tham Gaya , Din ke Nazm-o-Nasq mein

Shauq Kho Gaya Kahiin,  Roz-o-Shab ki Rasm mein

Aiine ke Saamne , Main khud ko  Dhoondtaa  Rahaa 

Khud ko kho diyaa Kahiin  Zindagi ki Bazm mein

Munsifon ki Anjuman ne Aakhirash Likhaa Wahii

Yeh Zameen Usii Kii Hai , Takht jiski Dast Mein

Qaatilon ka Jashn-e-Khoon Kab kisi se thaa Chhipa

Marne Wala Qaid thaa , Fard-e-Jurm-e-Qatl Mein

Yehi Nizame-Nau ki Reet, Yehi hai Rai-Aamma

Qatl-o-khoon ka kya Gilaa ,Qaum gar hai Saath mein 

Ahl-e-Ilm-o-Fun ki Bheed, Quam ke Imaam-o-Meer

Dast Basta, Sir-Niguun , Shaah ke Huzoor  Mein

Waqt Gar Nahi Sahal, Tausif Kya Gilaa Karein

Chiraagh  Ek Jaalaiye , Teergii ke Beech  Mein  

Glossary:

Nazm-o-Nasq       Administration, Governance             

Roz-o-Shab Day and Night

Bazm Gathering, Party

Munsifon Judges

Anjuman Panel

Aakhirash At Last

Takht Throne

Dast Hand 

Fard-e-Jurm-e-Qatl         Charged for the murder

Nizm-e-Nau New model of governance (Democracy)

Ahl-e-Ilmo-Fun Educated Elites

Imaam-o-Meer Leasders

Dast-Basta With Folded Hands 

Sir-Nigoon Head Hanging Down

Teergii Darkness

Daayera

Dayeron mein Qaid hai Zindagi ka yeh Safar

Sarhadon ka Dayera , Mazhabon  ka Dayera 

Fikr ki Zameen par Ghatta Badhta Dayera,

Zaatiyat ka Dayera,  Quamiyat Ka Dayera

Raah-o-Rabt ki Lakeer, Dostii ka Dayera

Aqraba  ka Dayera, Ham Zuban  ka Dayera

Ilm ke Kamaal kaa, Maarifat ka Daayera 

Haisiyat ka Dayera , Fauqiyat ke Dayeraa

Dayera Usool Ka,  Bandishon  ka Daayera 

Dayeraa Khyaal ka, Waswason ka Daayera

Dayera Shuuur ka, Kahin Anaa ka Dayera

Ek Daayera mein band Jane Kitna Dayera

Daayeron ke Darmiyan Yeh Safar Ajeeb Hai

Daayeron ko Todnaa, Asr-e-Nau ki Reet Hai 

Kaun Dayera  Sahii, Kisko Sab Ghalat Kahein

Har Bashar ka Faisla, Sabki Apni Seekh Hai

Daayeron ko Kaat kar,Raah gar Bana bhi Lein

Log  Phir  Banaeyenge  Dayera Naya Koii

Munharif Ka Dayera,  Jisme Daayera Nahii  

Zindagi ka yeh Safar Dayeron mein Hai Kaii 

Glossary:

Daayera       Circle            

Mazhab Religion 

Qaumiyat Nationality

Raah-o-Rabt Residence 

Aqraba Relatives,Kins

Ham Zuban Speaking in the same language

Maarifat Mystic Knowledge

Haisiyat Social Status 

Fauqiyat Priority

Waswason Doubts 

Asr-e-Nau Present Age 

Munharif Opponent , Strayed 

Bashar Individual, Human Being 

Ghazal

 

Shore-e-Maatam tha kahin, Saath kisi ka Choota

Kaisii Dildoz Balaa Thii, Kitna Nasheman Toota

Shayad, Iblees Hai Aaya  Sar-e-Aflaak-e-Bariin ?

Maine Dekahaa tha Kahin Ek  Sitaara  Toota

Shams Nikla hai Falak par usi Pindaar Ke Saath

Teergii Chhatne Lagi,  Raat ka Gheraa  Toota

Baat kehne ka Saleeqa to Bahut tha Mujh mein

Jaane kya Baat Hui  Har Bazm se Rishta Toota

Teri Mehfil mein bhi Sach Bol Reha hoon Tumse

Dekh Bikhraa Hai Yehin  Mera Saaghar  Toota

Dekh Haseen Khvaab mere, Dekh mera Azm-e-Safar

Raah ki Thokar se Kahan Sang-e-Iraada Tootaa ?

Ai Khuda,Tere Mehboob Nabi ka Thaa Ishaara  Kaafi 

Hukm ki Tazeem Mein Mahtab Humak Kar Toota 

Phir Chale Log Ibaadat ke Liye Sue Darbaar-e-Haram  

Aankh Chalki thi kisi ki, kahin  Zabt ka Bandhan Toota.

Aag Jisne bhi  lagaii thiii, Tausif  Bhalaa ho  Usakaa  

Khul Gayee Aankh Meri,  Ikhlaas ka Jadoo Toota  

Glossary:

Shor-e-Maatam       Noise of Grief /Lament            

Dildoz Heart Piercing 

Balaa Calamity 

Nasheman Residence 

Iblees Satan/Devi

Sar-e-Aflaak-Bariin On the Highest Sky

Shams Sun

Pindaar Pride/Arrogance 

Teergii Darkness

Bazm Party

Saaghar Goblet, Wine Cup

Azm-e-Safar Determination for Travel 

Mahtab Moon

Humak Desire ,Longing 

Sang-e-Iraada Rock of Intention 

Sue         Direction

Darbaar-e-Haram  sacred territory of Mecca

Ikhlaas Friendship

Shab-e-Bahaar

 

Mausame-e-Gul Ki Mehekti Khoobsarat Raat Mein

Maah-o-Anjum the Darakshan Daaman-e-Aflak Mein

Raag Chedaa the Hawa ne Barg-o-Gul ke Saaz Mein

Shaakho-o-Patte Jhoomte The Dilnasheen Andaaz Mein 

Noor Afshaan tha Fizaa mein,  Jugnoon ka Qaafilaa

Dhoondta thaa Apni Mazil, Raat ke Zulmaat Mein

The Patinge Raqs-e- Paiham, Noor ki Aaghosh Mein

Tairaan-e-Khush-Nawa Madhosh the Baghaat Mein 

Ja-ba-Ja Thii Raushani, Raunaq thi Kuu-o-kaakh mein

Shor thaa Sadkon pe Baaqi, Bhiid thii Bazaar Mein

Mehfilein Sajne lagi thiin Baadah-Khaaron ke Sabab

Zaahid-o-Aabid Mehav the  Zikr-o-Istighfaar   Mein

Laut Aaye The Musaafir,  Daftaron Se Daar Mein

Saare Chehre Khil Uthe the, Khaana-e-Afraad Mein  

The Parishaan Ahl-e-Irfaan, Kal ki Fikr-o-Amal Mein 

The Qalandar Mast Saare, Apne  Haal-o-Qaal Mein 

The Sukhanvar Munhamiik Ashaar ki Tasniif Mein

Chun Rehe the Rang, Khushboo Raat ki Jaagiir Mein

Kar Rehaa tha ek Musawwar Ahde-e-Nau ka Haal Naqsh

Thii Numyana  Saari  Uljhan  Dhundlii Tasweer Mein

Shab ki Bekal Chandni mein, Main bhi tha Mahv-e-Khiraam

Khush Kalaami  Ho Rehii Thii doston ke Sang Mein 

Mulko-o-Millat ki Kahani, Shikwa Mausam ka bhi Tha 

Thi Sabhi Baatein Zamaan ki,  Shiirnii Guftaar Mein 

Glossary:

Mausam-e-Gul       Weather of Flower            

Maah-o-Anjum Moon and Stars

Darkhshan   Glittering

Daaman-e-Aflaak Sky 

Barg-o-Gul Leaf and Flower 

Shaakh-o-Patte Branch  and Leaves 

Noor Afshaan Illuminating 

Jugnoon Firefly 

Patinge Moths 

Raqs-e- Paiham Constant Dance 

Tairaan-e-Khushnawa Singing Birds 

Raunaq Illuminating 

Kuu-o-Kaakh Street and Edifice 

Baadah-Khaaron Drinkers 

Zaahid-o-Aabid Hermits and Devotees

Zikr-o-Istighfaar  Chanting God’s Prayer and Seeking forgiveness 

Daar         Home

Khaana-e-Afraad House (of the people)

Ahl-e-Irfaan Men of wisdom 

Haal-o-Qaal Religious Ecstasy 

Sukhanvar Poets 

Musawwar Painters 

Ahde-e-Nau New World 

Khush-Kalami Pleasant Conversation

Shikwa Complaint 

Shiirni Sweet

Ghazal

Aqal ki Had se Guzarkar Raah-e-Manzil  Dhoondiye

Raaz-e_Hasti ko Samajhiye, Ilm-o-Irfaan Dhoondiye

Zindagi ki Tez Lehron mein hai Tughiyani Bahut

Pur-Khatar Maujon Se Ladiye Mat Safeena Dhoondiye 

Thaa Nahi  Aasan Kabhi Bhii  Aamiron Se Ikhtilaaf

Hausla Seene mein Rekhiye,Mat Sahaara Dhoondiye

Khud ko, Khud hi kho diyaa Bazaar-e-Nau ki Bheed mein

Jhoot ki Partein Hatakar, Khud mein Khud ko Dhoondiye

Chaandni Raaton ki Madham Raushni ki Chaaon mein

Khush-Taba Logon se Miliye, Shaadmani Dhoondiye

Noore-e-Eimaan se Nahi aata Agar Dil ko Qaraaar 

Dasht-o-Sahra  mein bhatakiye, Haq ke Maani Dhoondiye

Sher Kahne ka Saleeqa  ya Ghazal mein Fikr-o-Fun

Lafz ke Andar utar kar  Soz-o-Naghma Dhoondiye

Glossary:

Raah-e-Manzil               Path to Destination            

Ilm-o-Irfan Knowledge and discernment

Tughiyani    Deluge

Pur-Khatar Full of Danger 

Safeena  Boat

Aamiron Dictator

Khush-Taba Cherful

Noore-e-Eimaan Light of Faith

Dasht-o-Sahra  Forest and Desert 

Soz-o-Naghma Sorrow and Music 

 

Haath ki Lakeerein

Kuch bhi To Nahi Likkha Be-Rang Hatheli mein

Na Zikr hai Fardaa Ka , Na Qissa-e-Maazi Hai  

Na Harf-e-Mataa-e-Dil, Na Ramz-o-Ishaara Hai 

Na Rabt Lakeeron mein,Na Naqsh hi Poora hai

Ek Mard-e-Qalandar ne Sunkar yeh kaha Mujhse

Be-Rabt Lakeeron mein, Hastii  ki Kahani Hai 

Tuu Dast Shanaasi ke Raazon se Nahi Waaqif

Barson se Chalii Aayee, Yeh Reet Puraani Hai 

Taqdeer ki Gardish Ho, Ya Jashn Bahaaron Ka

Khush Haal Zamana Ho, Ya Daur Balaaon Ka 

Irfaan ka Ho Lamha , Ya Waqt  ho Zulmat Ka 

Qudrat ka likha hai Sab, Sab Khel Lakeeron ka

Ai Mard-e-Jahnadeeda,  Ai Saahib-e-Daanai,

Maana ke Raqam  hai Sab, Roz-e-Azal Se Hi

Mera yeh Aqeeda hai  Azaad Hai Har Insaan

Inkaar Khuda se ho, ya Hukm-e-Khudawandi 

Mashiyyat-e-Ezdii par Kaamil hai mera Eiman

Aamal se hoti hai Zulmat mein Ziyan Paida

Taqdeer ki Yeh Gutthi Maana hai Bahut Uuljhi

Khaaki Ki Ravish se hi Har Khair-o-Jazaa Paida 

Glossary:

Hatheli        Palm

Zikr             Description

Fardaa Tomorrow (Future)

Qissa-e-Maazi Stories of Past

Harf-e-Mataa-e-Dil,         Details stored in heart

Ramz-o-Ishaara         Secrets and Indications               

Rabt Relationship

Naqsh Image

Mard-e-Qalandar An ascetic (Faqeer)

Dast Shanaasi Palmistry 

Balaaon Calamities

Irfaan Mystical Experience 

Zulmat Darkness

Mard-e-Jahnadeeda,  An Experienced Man

Saahib-e-Daanai, Man of wisdom

Raqam Written

Roz-e-Azal Eternity 

Hukm-e-Khudawandi Command of God 

Mashiyyat-e-Ezdii God’s will

Kaaamil Complete 

Ziyan Light 

Ravish Manner

Khair-o-Jazaa Good and Reward