Ummiid (Hope)

Teergii Ke Dasht Mein Chiraagh koi Jal Uthe

Chashm-e-Nam ki Jheel mein Raushani Chamak Uthe

Gumaan ke Regzaar mein Yaqeen ka Phool Khil Uthe

Ranj-o-Gham ke Darmiyaan,  Udaas Dil Machal Uthe

 

Manzielein  Qareeb Hain, Ek Sadaa Sunaii De

Khaaardar Raah Mein ,  Gul-kadaa Dekhaii De

Garmiyon ki Dhup Mein  Saibaan Kahin Dikhe

Tund-o-Tez Mauj Mein NaakhuDa Dekhaai De

 

Aarzoo ke Aaine mein Aks-e-Nau Dekhai Uthe

Maut Kaa ho Saamna,  Zindagii Dekhaii De

Roz-o-Shab ke Shor Mein Gar Khuda Na Yaad Ho

Jab Khuda ki ho Talaash, Ek Azaan Sunaai De

 

Yeh Khayal-o-Vaaqiat, Yeh Tamaam Kaifiyaat

Isii ka Naam hai Umiid, Yehi hai Jauhar-e-Hayaat

Isii ke Dam se hai Rawaan Karobaar-e-Kainaat

Subah ka Intizaar Kar, Raat ki hai Kya Besaat

 

Glossary:

 

Teergii                            Darkness                                    

Dasht                            Forest

Chashm-e-Nam             Wet Eyes

Regzaar                         Desert

Sadaa                            Voice

Khaardar                       Full of Thorns

Saaiban                         Shelter/Canopy

Naakhuda                      Boatman/Sailor

Aks-e-Nau                      New Reflection

Roz-o-Shab                    Day and Night

Jauhar-e—Hayat            Seecret quality